AMAIERA EDERRA BOST T´ERDIAN BINAKA BIZKAIA TORNEOAN

2019-03-22

Bizkaia frontoian jokatutako Bost ´Erdian Binaka Bizkaia I. Torneoko finalak, bukaera ezin hobea eman dio aurtengo txapelketari, modalitate berri hau pilotazaleek gustokoa izan dutenari hain zuzen ere.

Titin III.ak eta Barriolak I. edizio honen sariak lortu dituzte Olaizola II.a eta Patxi Ruiz 22-20 irabazita partidu eder batean.
Joko azkarra, erritmoz betea, erremateak non nahi eta atzelarien erasorako joeraz disfrutatu ahal izan dituzte 1.800 pilotazaleek Bizkaia frontoian bertan, tantu batzuk jokoan zeuden bitartean txaloka aritu direla.

Aurrean Titin III.ak eta Olaizola II.ak ez diote borrokari eten eman eta denetariko jokaldiak gauzatu dituzte: gantxuak, txapagainekoak, kortadak, paradak, boleak, etabar.

Atzelariak ere ez dira kikildu eta eraso egitea zer den argi utzi dute eta horren erakusgarria Patxi Ruizek gantxuz lortu dituen bi tantuak dira.