OLAIZOLA II.AK ETA MTZ. DE IRUJOK PILOTA AUKERATU DITUZTE BILBON

2019-03-22

OLaizola II.ak eta Mtz. de Irujok bat egin dute eguerdiz Bilboko Bizkaia pilotalekuan datorren larunbatean jokatuko duten EPELen Lau t´Erdiko txapelketako finalerdietako ligaxkako partidurako pilotak aukeratzeko.

Asegarceko pilotariak 104,1 eta 104,4 gramoko pilotak aukeratu ditu Iberokoak 104,8 eta 105,6kak hautatu dituen bidenabar.

Txapelketa honetan elkarren aurka jokatu dituzten partiduen estadistikak ikusita garaipen bana dute. Olaizola II.ak lortutako dituenetariko bat Donostian jokatu zen 2008.eko finalean izan zen. Bertan goizuetarrak 22-17 menpean hartu zuen Mtz. de Irujo.

Bestalde esan behar da partidu honen inguruko giroa beroa dala, jadanik 700 sarrera salduta daude eta.

Balmasedan ere bai

Stephan Lemuno eta Jon Ander Albisu Balmasedako udal pilotalekura bertaratu dira ostiral honetan jokatuko duten BBKko Promozioko Lau t´Erdiko Txapelketako finalerdiko partidurako pilotak aukeratzeko.

Iparraldeko pilotariak 104 eta 105,4 gramoko pilotak bereiztu ditu eta gipuzkoarrak aldiz 105,3 eta 104,4kak hautatu ditu.

Aipatu beharra dago neurketa honen irabazleak finala jokatuko duela Ongay eta Mendizabal III.aren arteko lehiaren garailearen aurka.