PILOTA AUKERAKETAK LOGROÑON ETA TOLOSAN

2019-03-22

Asteburu honetako geratzen ziren pilota aukeraketak gauzatu dira gaur Logroñon zein Tolosan.
Titin III.a-Pascual eta Saralegi-Apraiz Adarraga pilotalekura hurbildu dira igandean jokatuko duten Binakako Txapelketako ligaren partiduko pilotak aukeratzera.
Materialarekin ez da arazo bat ere izan eta bi bikoteak konforme geratu dira hautatzaileak prestaturiko otarrearekin.

Titin III.ak eta Pascualek 106,2, 105,5 eta 105,3 gramoko pilotak hautatu dituzte; aurkarienekin alderatuta biziagoak eta bote handiagoa dutenak hain zuzen ere.
Saralegik eta Apraizek aldiz, 106,6, 106,2 eta 104,9 gramokoak hartu dituzte.

Tolosan elurra ari zen bitartean, Olaizola II-Mendizabal II.ak eta Xala-Zubietak materiala bereiztu dute. Asegarcekoek frontisetik gutxi atera baina zoruan ondo dabiltzan pilotak aukeratu dituzte.

Olaizola II.a-Mendizabal II.a: 105,7-105,3-105,2 gr.
Xala-Zubieta: 104,3-105,4-104,8 gr.