BERASALUZE VIII: “TITINEKIN DANA PERFEKTU EGIN BEHAR DUZU”

2019-03-22

Pablo Berasaluzek konpromezu handia dauka bariku honetan San Mateoko feria zabalduko duen estraineko partidan. Izan ere berriztarrak Titin III.ari aurre egin beharko dio lau eta erdian orain arte egin ez den neurketa berezian.
Gogoratu behar da modalitate honetan errioxarra egun txapelduna dela eta pilotazaleek dakiten bezala distantzian trebenetariko pilotaria da.
Asegarce.comek Pablorekin berbetan jardun du eta hauxe da kontatu diguna.

Asegarce.com: Partidu gatza daukazu barikuan …
-Berasaluze VIII: Gogorra izango da baina printzipioz nik ez dut ezer galtzeko. Nik daukadan dana emango dut. Berak %ehunean ez ba dabil nik iraba dizaioket.

A: Non sar diezaioke tantua Augustori?
-B: Ia inon ez. Aurrekaldean pilotari bete-betekoa da. Berari irabazteko dana perfektu egin behar duzu.

A: Denboraldi honetan bi aldiz egon zarete aurrez aurre eta bietan berarentzat izan da garaipena …
B: Partidu bakoitza ezberdina da bestekin alderatuta. Honek ere bestelako historia eukiko du.

A: Aurten debuta egin zenuelako hamargarren urteurrena da. Pilotari gisa zelan ikusten duzu zure burua?
B-: Artean ume nintzan. Uste dut oraingo honetan egin dudan jokurik altuenean nagoela.

A: Urdurik?
-B: Bueno, partidua jokatu baino aurreko orduetan bai urdurik zagozela, baina behin frontoian sartuta txantxak hasten dira eta lasaitu egiten zara.

A: Zer esango diozu Titin III.ari aldageletan?
Trankil jokatzeko.