FRONTON SAIOAK AUDIENTZI ERREKORRA APURTU DU

2019-03-22

Iragan larunbatean Ogetan jokatutako Mtz. de Irujo eta Olaizola II.aren arteko neurketa FRONTON saioaren 2006an gehien ikusi den partidua izan da. Euskal Erkidego Autonomoan atera dren zenbakiak apartak izan dira: ikusleen ehuneko 33,2ak ikusi zuen partidua.

Larunbatean telebista piztu zuten hiru pertsonetatik batek Fronton ikusteko egin zuen. Meritua partiduaren bi protagonisten izan zen: Mtz. de Irujo eta Olaizola II.a. Lau eta Erdiko ligaxkan heurek egin zuten partidu ikusgarriak txundituta utzi zituen pilotazaleak .

Nahiz eta Mtz. de Irujok hasierako abantaila handia lortu ikusleak FRONTON saioarekin lotuta geratu ziren ziurrenik Olaizola II.ak erreakzioa gauzatu zuelakoan. Bi pilotariek egin zuten goi mailako neurketak pantailako kuota ehuneko 31,5ra igotzea lortu zuen. Ordu bete eta minutu bat iraundu zuen norgehiagokak ikusleen arreta ehuneko 33,2ra iristea eragin zuen.
Datu hauek bi pilotari hauen erakargarritasun handiaren islada garbia dira, izan ere eskuz banaka zein binakako finalen zenbakien parean daude.