PATXI RUIZ: “IGANDEAN ARROZA ETA XERRA BESTERIK EZ NUEN JAN”

2019-03-22

Biharamuna ezin ederragorik euki du Patxi Ruiz Asegarceko pilotariak astelehen honetan. Atzo udako torneorik garrantzitsuena irabazi zuen Bengoetxea VI.arekin batera Logroñoko Adarraga pilotalekuan partida itzel bat eginez. Prentsan denetariko laudorioak itsasi dizkiote Lizarrako mutilari torneoko pilotaririk onena izendatu ondoren.

Asegarce.com-ekin hizketan egon da Patxi eta hauxe da kontatu diguna: “Gogoekin nenbilen San Mateon, torneo irabazteko irrikitan nengoen eta gainera ondo sentitzen nuen nire burua. Badakizu, ondo zaudenean konzentratuta ateratzen zara kantxara eta partidua askoz ere hobeago ikusten duzu, hots, zuloak estali, lagunaren keinuei erne egon eta pilotari ondo jartzen zara. Horri, beti pilota ondo astintzen duzula gehitzen badiozu, ba partida ezin hobea ateratzen zaizu.
Lau eta erdiko txapelketa prestatzen nabil eta pesa batzu egiten egon naiz, gimnasoan saioak …. Egia esateko primeran harrapatu nau San Mateoko torneoak eta lehiaketa borobila atera zaigu Oinatz eta bioi”.

Zer jan edota ezer berezirik egin ote zuen galdetuta zera baieztatzen digu Patxik ” Ordu bat eta erdian, nire amak prestatu zidan arroza oilaskoarekin, xerra bat eta yogurt bat jan nuen. Laurak aldera frontoira helduta platano bat jan nuen behar adina glukosa hartzeko”.