IÑIGO LEIZA ETA KEPA PEÑAGARIKANO ESKUZ BANAKAKO USTEKABEAK

2019-03-22

Zalantzarik gabe Iñigo Leiza eta Kepa Peñagarikano izan dira aurtengo Eskuz Banakako Txapelketaren ustekabe handienak.
Lemoako aurrelariak Eskuz Banakako Txapelketan jokatzeko bere tokia lortu zuen 2005ko bigarren mailako Buruz Buruko Txapelketa irabaziz. Final laurdenetan Gonzalezi aurre emango dio, Goñi III.a, Barriloa eta Olaizola I.a bidean utzi ondoren.

Peñagarikano vs Irujo final laurdenetan

Kepa Peñagarikano, bere aldetik, Buruz Buruko Txapela jazteko faborito bat den Juan Martinez de Irujoren kontra arituko da Txapelketako final laurdenetan. Hau izango da, dudarik gabe, orain arte jokatu duen partiden arteko lehiaketa zailena. Beizamakoak final laurdenetara heltzeko Galarza V.a, Lasa III.a eta Xala Txapelketatik at utzi ditu eta gainera bere plaza lortzeko aurretiko partida bat jokatu zuen Iñaki Esainen kontra 19 eta 22 irabaziz.