URBERUAGA ETA RETEGI BI BANOKAKO TAPELKETAN LEKU BATEN BILA

2019-03-22

Gaur 23:30etatik aurrera, gutxi gorabehera, Xabier Urberuaga eta Julen Retegi Buruz Buruko Txapelketaren aurretiko partida jokatzera, Donostiako Atano III.eko kantxara aterako dira. Partida hau garrantzi handikoa izango da bi pilotarientzat, zeren irabazleak, partidaren garaipenarekin batera, pilotako txapelketa garrantzitsuena jokatzeko aukera lortuko du.
Julen Retegirentzat, banakako lehiaketa jokatzen duen lehenengo aldia izango da, eta horregatik, 2003an eta 2005ean bigarren mailako Banakako Txapelketa jokatu zuen Urberuagak baino esperientzia gutxiago dauka.

Retegi Bi: “Oraingoz lasai nago”

Joandako astearteko pilota aukeraketaren ondoren, aurrelari gazteak, bere joko estrategiari buruzko galderak erantzunez, horrela esaten zuen: ” Xabierren jokoa ez dut ezagutzen, baina ni piloteoa menperatzen saiatuko naiz eta aukera izan bezain laster tantoa bukatzen” . Halaber, Asegarcekoak ziurtatzen zuen: “Oraingoz lasai nago, baina partida egunean ezberdina izango da.”