PATXI RUIZEN OPARI MADARIKATUAK

2019-03-22

Patxi Ruizek EPELen Lau t´Erdiko txapelketako finalean sartzeko aukera guztiak galdu ditu Labrti pilotalekuan jokatu den finalaurrekoan 22-20 Titin III.aren aurka galdu eta gero.
Lizarrako pilotariak oso aldapa gora jarri zaion partidari buelta ematen jakin izan du baina azken txanpan egin dituen hutsek garaipena kendu diote. Nahiz eta 3-10 markagailuan joan 14-18 aurretik jarri da baina asko kostata, zeren sakea eskuan zuenean gora joateko ibilbidea mozten zuen egingako opariei esker. Patxik bere ohiko abiadurazko jokua ipini du martxan eta horri esker jan egin dio abantaia Titin III.ari. Zoritxarrez azken txanpan berregin dituen hutsei esker 22 tantura iristea lortu du pilotari errioxarrak. Triciokoak sake-erremate eta airezko jokua azaldu du aukera izan duenean eta Patxiren opari guztiak ondo aprobetxatu ditu.
Emaitz honen arabera Olaizola II.a eta Xala finalean dira dagoeneko.