SAILBURUAK LEHIAN SARTZEN DIRA

2019-03-22

Asteburu honetan sailburuak kaiolan sartzen dira finalerdietako ligaxkarako pasea emango dien bere aldeko markagailua lortu nahian.
Asmo berdinekin, lehendabiziko bi txanda gailendu ondoren benetazko txapeldungaiak bihurtu diren Barriola, Chafeé, Xala eta Olaizola II haien zain daude.
Finalerdira iritsiko den lehenengoa Titin III.a eta Barriolaren artean gaur gauean Donostiako Atano III. pilotalekuan jokatuko den partidutik aterako da. Larunbatean, lau t’erdian trebea den Jorge Nagore eta torneoko ustekabea Ismael Chafeé Iruñako Labrit frontoian aurrez aurre egongo dira.
Azken bi finalistak igandean jokatuko diren partiduetatik aterako dira. Eibarko Astelenan Xala eta Beloki kantxaratuko dira eta Logroñoko Adarragan Capellanek eta Aimar Olaizolak gauza bera egingo dute.