Artolak eta Eskirozek Laso eta Imaz ordezkatuko dituzte larunbatean Binakako Txapelketan

2023-03-21

Joan den larunbatean Labriten Laso-Imaz eta Elordi-Zabaleta bikoteek jokatutako partidak eskuetako minez utzi ditu Laso eta Imaz.

Aurrelari nafarrak mina du ezker eskuko ahurrean, eta tumefakzioa eta hematoma ditu bertan. Lasok fisioterapia-tratamendua behar du eta baja izango da.

Atzelari oiartzuarrak mina du eskuin eskuko ahurrean, 2. eta 3. metakarpianoen buruan, eta tumefakzioa du bertan. Imazek fisioterapia-tratamendua behar du eta baja izango da.

Artola-Eskiroz bikoteak ordezkatuko dituzte Laso eta Imaz larunbatean Labriten, Peña II-Mariezkurrena II bikotearen aurka jokatzeko.

Iker Larrazabalek ere ez du jokatuko ostiralean

Iker Larrazabalek
mina du eskuin eskuko ahurrean, eta tumefakzioa eta hematoma ditu bertan. Larrazabalek fisioterapia tratamendua behar du eta baja izango da ostiral honetan Larraintzarren. Artola-Uriondok ordezkatuko dituzte Larrazabal eta Eskiroz (larunbatean jokatuko du), Salaberria-O.Etxebarriaren aurka jokatzeko.