Ostegun honetan San Fermin 4 1/2 Torneoko finalerako sarrera gehiago jarriko dira salgai

2024-05-14

A* Jesús Garzaron T* Semifinal Masters CaixaBank Pelota mano Altuna – Imaz vs Irribarria – Albisu F* 2022_09_30 L* Navarra Arena, Pamplona

Etzi, osteguna, maiatzak 16, eguerdiko 12:00etan, uztailaren 7an Nafarroa Arenan jokatuko den San Fermin 4 1/2 Torneoko finalerako sarrera eskaintza handituko da.

Joan den apirilaren 9an salgai jarritako lehen sarrerak ia agortuta daudelarik, ostegun honetan San Fermin 4 1/2 Torneoko finalerako sarrera gehiago jarriko dira salgai. Pilotazaleek gogo biziz erantzun diote aurten San Fermin 4 1/2 Torneoko finala Nafarroa Arena pilotalekuan jokatzeko berriari. Zale gehiagok finalera joateko aukera izateak, eta jaialdia igandez, jaiegunez, jokatzeak sarrera eskaria handitu du.

Sarrerak ostegun honetan jarriko dira salgai internet bidez www.entradasfronton.com atarian. Goiko kantxan egongo dira kokatuta (114-117), eta 30 eta 45 euro bitarteko salneurria izango dute.

Autobus zerbitzua

Jaialdirako sarrera dutenentzako, Nafarroa Arena pilotalekura joan-etorria errazteko, uztailaren 7an 9:30etik aurrera doako joan-etorriko autobus zerbitzu bat ezarriko da Iruñeko Autobus Geltokitik.