EPELek eta Errioxako Gobernuak lankidetza akordioa adostu dute 2026rako

Hitzarmen honek esku-pilota profesionala hurbilduko du Errioxara, eta gutxienez 9 jaialdi egingo dira bertan datorren urtean.

Esku Pilota Enpresen Ligak (EPEL) eta Errioxako Gobernuak akordio bat adostu dute, 2026ko denboraldiko txapelketa profesionalak Errioxako pilotalekuetan ere jokatzea ahalbidetuko duena. Lankidetza horrekin, Errioxak indartu egiten du pilotazaleen egutegian duen presentzia, eta zaleei Txapelketa nagusiak hurbiltzen dizkie.

Hitzarmena Logroñoko Adarraga pilotalekuan aurkeztu da, eta bertan izan dira Jose Luis Perez Pastor Kultura, Turismo, Kirol eta Gazteriako kontseilaria, Diego Azcona Kirol eta Gazteriako zuzendari nagusia, Baiko eta ASPEko ordezkariak, Esku Pilotako Enpresen Ligakoak (EPEL), eta Juan Jose Belmonte Errioxako Pilota Federazioko presidentea. Ruben Salaverri, Javier Zabala, Dario Gomez eta Carmelo Loza pilotari errioxarrak ere izan dira aurkezpenean, Errioxan pilotaren hazkundea indartzen duen ekimen hau babestuz.

Akordioaren aurkezpenean, Perez Pastorrek azpimarratu du esku pilota nortasun ikurra dela Errioxarentzat, eta belaunaldien arteko topagunea. EPELen izenean, Jose Ramon Garaik adierazi duenez, “Errioxak tradizio pilotazale handia izan du eta du, eta profesional onenen artean dauden pilotariak ere bai. Akordio honi esker, merezi duen protagonismoa itzuliko diogu Adarraga pilotalekuari, eta Errioxako publikoari pilota profesionalaren mailarik onena eskainiko diogu”.

2026an, Adarraga pilotalekua esku pilota profesionaleko hiru txapelketa handien zirkuitoan egongo da, eta gutxienez lau aldiz bisitatuko da Binakako, Buruz Buruko eta 4 1/2ko txapelketetan. Gainera, jaialdi horietako batek Binakako Txapelketako finalerdietako bat hartuko du.

Honekin batera, gutxienez bost jaialdi hartuko dituen Errioxako Opena egingo da. Maiatza eta uztaila bitartean egingo da Errioxako frontoietan, eta finala Adarraga pilotalekuan jokatuko da.

EPELek eta Errioxako Gobernuak lankidetza akordioa adostu dute 2026rako

2025-11-06

Hitzarmen honek esku-pilota profesionala hurbilduko du Errioxara, eta gutxienez 9 jaialdi egingo dira bertan datorren urtean.

Esku Pilota Enpresen Ligak (EPEL) eta Errioxako Gobernuak akordio bat adostu dute, 2026ko denboraldiko txapelketa profesionalak Errioxako pilotalekuetan ere jokatzea ahalbidetuko duena. Lankidetza horrekin, Errioxak indartu egiten du pilotazaleen egutegian duen presentzia, eta zaleei Txapelketa nagusiak hurbiltzen dizkie.

Hitzarmena Logroñoko Adarraga pilotalekuan aurkeztu da, eta bertan izan dira Jose Luis Perez Pastor Kultura, Turismo, Kirol eta Gazteriako kontseilaria, Diego Azcona Kirol eta Gazteriako zuzendari nagusia, Baiko eta ASPEko ordezkariak, Esku Pilotako Enpresen Ligakoak (EPEL), eta Juan Jose Belmonte Errioxako Pilota Federazioko presidentea. Ruben Salaverri, Javier Zabala, Dario Gomez eta Carmelo Loza pilotari errioxarrak ere izan dira aurkezpenean, Errioxan pilotaren hazkundea indartzen duen ekimen hau babestuz.

Akordioaren aurkezpenean, Perez Pastorrek azpimarratu du esku pilota nortasun ikurra dela Errioxarentzat, eta belaunaldien arteko topagunea. EPELen izenean, Jose Ramon Garaik adierazi duenez, “Errioxak tradizio pilotazale handia izan du eta du, eta profesional onenen artean dauden pilotariak ere bai. Akordio honi esker, merezi duen protagonismoa itzuliko diogu Adarraga pilotalekuari, eta Errioxako publikoari pilota profesionalaren mailarik onena eskainiko diogu”.

2026an, Adarraga pilotalekua esku pilota profesionaleko hiru txapelketa handien zirkuitoan egongo da, eta gutxienez lau aldiz bisitatuko da Binakako, Buruz Buruko eta 4 1/2ko txapelketetan. Gainera, jaialdi horietako batek Binakako Txapelketako finalerdietako bat hartuko du.

Honekin batera, gutxienez bost jaialdi hartuko dituen Errioxako Opena egingo da. Maiatza eta uztaila bitartean egingo da Errioxako frontoietan, eta finala Adarraga pilotalekuan jokatuko da.


Azken albisteak

Altuna III.ak eskuratu du 4 1/2 Eusko Label 2026 Txapelketako hirugarren postua

2026-11-15

Altuna III.ak eskuratu du 4 1/2 Eusko Label 2026 Txapelketako hirugarren postua

Amezketakoak 22-13 irabazi dio Muruari Arrasaten, eta hirugarren amaitu du txapelketa.

P.Etxeberriak eta Zabalak jokatuko dute 4 1/2 Eusko Label Txapelketako finala

2026-11-08

P.Etxeberriak eta Zabalak jokatuko dute 4 1/2 Eusko Label Txapelketako finala

Zabalak 22-11 irabazi dio Muruari Gasteizko Ogetan, eta beste finalerdia irabazi duen P.Etxeberriaren aurka jokatuko du azaroaren 22ko finala Bizkaia Frontoian.

P.Etxeberriak finalerako txartela lortu du

2026-11-07

P.Etxeberriak finalerako txartela lortu du

P.Etxeberriak 22-15 irabazi dio Altuna III.ari Donostiako Atano III.ean jokatu duten finalerdian, eta azaroaren 22an Bilboko Bizkaia Frontoian jokatuko den 4 1/2 Eusko Label Txapelketako finalerako txartela lortu du. Bere aurkaria bihar Gasteizko Ogetan Zabalak eta Muruak jokatuko duten finalerditik aterako da.

Amianok eta Zubizarreta III.ak jokatuko dute 4 1/2 Eusko Label Txapelketako finala

2026-11-07

Amianok eta Zubizarreta III.ak jokatuko dute 4 1/2 Eusko Label Txapelketako finala

Amianok 22-17 irabazi dio Rekalderi, eta Zubizarreta III.ak 22-8 gainditu du Zubizarreta IV.a Idiazabalen jokatutako finalerdietan.

Frontón

PILOTAREN ALDIZKARIA

BERRIAK, EMAITZAK, KARTELDEGIA, SARRERAK.. PILOTARI BURUZKO INFORMAZIO GUZTIA

App Baiko en Apple Store