Lizarrako eta Bilboko partidetarako materiala hautatu dute gaur



2020-12-30

Olaizola II-Rezusta eta Artola-Aranguren bikoteek, larunbatean, Binakako Txapelketako lehen jardunaldian, Lizarran erabiliko dituzten pilotak aukeratu dituzte gaur goizean. Olaizola II-Rezusta bikoteak 104,4 (1) g, 104,7 (2) g eta 105 (3) gramoko hiru pilota aukeratu ditu. Artola-Arangurenek 104,2 (4) g, 104,5 (5) g eta 104,3 (6) gramoko beste hiru aukeratu dituzte.



Ondoren, eguerdian, Urrutikoetxea-Imaz eta Peña II-Albisu izan dira Bilbon, igandean Bizkaia frontoian jokatuko duten norgehiagokan erabiliko duten materiala bereizteko. Urrutikoetxea-Imazek 104,2 (1) g, 104,4 (2) g eta 104,6 gramoko lotea aukeratu dute. Eta Peña II-Albisuk 104,9 (4) g, 104,7 (5) g eta 105 (6) gramoko hiru pilota nahiago izan dituzte.