4 1/2 Serie A 2026 Txapelketako finalaren pilota aukeraketa ostegun honetan, azaroaren 19an, egingo da, 11:00etan, Bilboko Bizkaia Frontoian.
Kontuan hartuz:
1.- 2026ko azaroaren 22an 4 1/2 Serie “A” Txapelketaren finala ospatzen dela, eta hasiera batean aurreikusita zegoela 2026ko azaroaren 17an, asteartea, 11:00etan, Bizkaia Frontoian material aukeraketa egitea,
2.- 2026ko azaroaren 16an, Aspe Pelota enpresako zerbitzu medikoek jakinarazi dutela Peio Etxeberria pilotariak narritadura-prozesu bat duela ezkerreko begian, eta oftalmologiako zerbitzuak baloratu eta tratatu ondoren, begia babestu eta hurrengo 48 orduetan kirol-atsedena hartu behar duela.
3.- Pelota Pro Ligaren 4 1/2 Txapelketaren Araudiaren arabera, erakunde horretako Lehiaketa Epaileari dagokiola aipatutako ekitaldian gerta daitezkeen lehiaketaren gorabeherak ezagutu eta ebaztea.
Adierazitakoan oinarrituta, ERABAKIA da:
4 1/2 Serie “A” Txapelketako finaleko materiala hautatzeko ekitaldiaren data aldatzea, eta 2026ko azaroaren 19an, osteguna, 11:00etan jartzea.
Erabakitakoaren aurka ezin da errekurtsorik aurkeztu.
Erabakitakoa interesdunei jakinaraztea, dagozkion ondorioetarako.
Hori da dokumentu honen datan sinatutako ebazpena.
Borja Osés García
Pelota Pro Ligako Lehiaketa Epailea