4 1/2ko Eusko Label Txapelketa aurkeztu dute gaur goizean Bilbon

2022-10-03

Txapelketa asteburu honetan hasi eta azaroaren 20an amaituko da Bizkaia Frontoiko finalarekin

Altuna III, Laso, Ezkurdia eta P.Etxeberria izango dira taldeburuak

Lehiaketa final-zortzirenetan hasiko da, final-laurdenetako liga bat izango du, eta ondoren finalerdiak, kontsolazio finala eta finala jokatuko dituzte

Gaurko aurkezpenean eman dute ezagutzera 4 1/2 ko Eusko Label Txapelketa irabazten saiatuko diren 12 pilotarien zerrenda. Baiko Pilotako sei ordezkari eta Aspeko beste sei ahaleginduko dira azaroaren 20ko finalean txapela janzten.

Asteburu honetan bertan jokatuko dira final-zortzirenetako partidak. Ostiralean Elezkano II.ak eta Artolak estreinatuko dute lehiaketa Amasa-Villabonan. Larunbatean, Zallako Mimetiz pilotalekuak bi kanporaketa hartuko ditu. Lehenengoan Jakak eta Elordik jokatuko dute elkarren aurka, eta bigarrenean, Urrutikoetxeak eta Peña II.ak. Eta igandean, Agirrek eta Dariok final zortzirenetako faseari itxiera emango diote Lekunberrin.

Asteburuko lau irabazleek Altuna III.a, Laso, Ezkurdia eta P.Etxeberria izango dituzte zain final-laurdenetako ligaxkan.

Jaialdi hauetarako sarrerak entradasfronton webgunean eskuratu ahal izango dira.

Urriaren 7an, ostiralean, hasiko da 4 1/2 ko Eusko Label 2022 Txapelketa.