ARAZORIK GABE IRUÑA ETA GETARIAKO HAUTAKETETAN

2019-03-22

Gonzalezek eta Laskurainek Asperen aldetik eta Bengoetxea VI.ak eta Belokik Asegarceko ordezkari gisa, bat egin dute eguerdian Iruñako Labrit pilotalekuan datorren larunbatean jokatuko duten EPELen Binakako Txapelketako finalaurdenetako partidurako pilotak hautatzeko.
Sebastianek eta Aritzek 106,5, 106,5 eta 105,5 gramoko pilotak bereiztu dituzte Oinatzek eta Belokik 105,5, 106,7 eta 105,4 gramokoak hartu dituzten bitartean. Dirudienez urdinen lotea moteltsuagoa da.

Getarian ere, ez da inongo pegarik izan eta aukeraketa normal joan da.
Titin III.ak eta Pascualek 106,4, 106,9 eta 106,6 gramoko larruzkoak hartu dituzte. Asegarceko pilotariek berriz, 106,6, 105,5 eta 106,7 gramoko pilotak hautatu dituzte.
Errioxarra eta Nafarraren pilotak bote gehiago omen dute.

Aipatu behar da gaur Titin III.ak 41 urte bete dituela. Zorionak Augusto.