BEGINOREN BESTE ERAKUSTALDIA

2019-03-22

Berasaluze VIII.a eta Begino Donostia Hiria torneoko finalera sailkatu ziren atzo Atano III.a pilotalekuan Xala eta Goñi III.a 22-12 irabazita. Aritz Beginok partidu borobila jokatu zuen; pilota astintzeaz gain, Goñi III.ak baztertu zizkion pilota guztiak ederto atera zituen. Auzako gazte puskak hiru tanto eskuratu zituen -atzelari batentzat kontutan beharreko kopurua da-.

Berasaluze VIII.ak aurrean zeuden aukerak aprobetxatu zituen eta 9 tanto sartu zituen patrikan. Azken txanpan nekea zela eta bere bikotekideari utzi zion lanaren zati handi bat.

Xalak 8 tanto gauzatu zituen urdinentzat baita 7 huts egin ere.
Goñi III.ak partidu txukuna egin zuen.