Berasaluze VIII.a Barriolaren gainetik pasa da Gernikan

2019-03-22

Asegarceko pilotariak aurrealdean sartu du aurkara eta bere aire jokoarekin garbi menderatu du. Hasiera-hasieratik bera izan da partida maneiatu duena eta sake erremate, parada eta  gantxoei esker Abel estutu du erabat. Leitzako atzelaria jo eta su aritu da defentsan, gainean jasotzen zuen erremate andanari aurre egiteko.

Eskandaluzko emaitza gertatzeko zorian egon da Santanapen, izan ere, 5-20 egon da aurretik aurrelari bizkaitarra, baina azken txanpan, Pabloren huts batzuengatik eta Abelek egindako tantoak direla medio, 11ra iristea lortu du Aspeko pilotariak.

Berasaluze VIII.ak Mtz. de Irujoren aurka jokatuko du Iruñean larunbatean (Nitro) eta Barriolak, aldiz, Retegi BIren kontra Bilbon igandean.

Datuak:
52 min.
200 pilotakadak.
Sake bana eta falta bana.
1-1 2-2 3-2 3-7 4-11 5-20 11-22