EGUN TXAPELDUNEK FINALEAN SARTZEKO LEHIARI EUSTEN DIOTE

2019-03-22

Egungo txapeldunek, Olaizola II.a eta Mendizabal II.a, finalean izateko aukerari eusten diote, Labrit pilotalekuan Berasaluze VIII.a eta Begino 20-22 menderatuta partidu gogor eta estu batetan.
Lehen zatian Berasaluzeren erakustaldia ikusi ahal izan du beteta izan diren harmailetako publikoak pilotari bizkaitarrak egin duen makina bat gantxu eta paradaz.
Berrizko aurrelariak 12 tantu lortu ditu eta Olaizola II.a maiz estutu du.
Beginok, nekeak jota, pilota asko galdu ditu eta Mendizabal II.ari eraso egiteko orduan Añorgako defentsa bikainarekin topo egin du.
Honek oso partidu ona egin du eta defentsa horretaz aparte Olaizola II.ak pilota utzi dionean ederto astindu du Oierrek.
Olaizola II.a ondo aritu da defentsan eta ez da bestetan bezala disdiratu.