• Baiko Pilotak aurkeztu dituen lau bikoteak: Peña II-Albisu, Laso-Imaz, Urrutikoetxea-Aranguren eta Jaka-Mariezkurrena II
• Aspe ordezkatuko duten lau bikoteak: Irribarria-Rezusta, Altuna III-Martija, Ezkurdia-Tolosa eta Elezkano II-Zabaleta
Bilbo, 2021eko azaroaren 16a
Baikok eta Aspek enpresa bakoitzeko zortzi pilotari aurkeztu dituzte gaur goizean Bizkaia Frontoian, asteburu honetan hasiko den Binakako Txapelketari begira.
Baiko Pilotak bere koadroko zortzi pilotari hauek aukeratu ditu txapela lortzeko asmoarekin Peña II-Albisu, Laso-Imaz, Urrutikoetxea-Aranguren eta Jaka-Mariezkurrena II. Helburu berarekin, ASPE Pelotak Irribarria-Rezusta, Altuna III-Martija, Ezkurdia-Tolosa eta Elezkano II-Zabaleta aurkeztu ditu.
Ostiral honetan Berriozarren hasi eta apirilera bitartean luzatuko da Eskuz Binakako EPEL Txapelketa. Jai egunik egon ezik, lau pilota jaialdi izango dira astebururo ostiraletik igandera bitartean, nahiz eta egutegiaren arabera jaialdi batzuk jaiegunetan antolatuko dituzten.
Zazpi jardunaldiko bi itzuli, orotara hamalau jardunaldi jokatuko dituzte pilotariek sailkapen ligaxkan. Bi bikote onenak zuzenean sailkatuko dira finalerdietako ligaxkara eta hirugarren eta seigarren postuen artean sailkatuek playoffak jokatu beharko dituzte aurrera egin ahal izateko.
Final handia Bizkaia Frontoian jokatuko da apirilaren 3an, igandean.