Larunbat honetan Labriten jokatuko den Titin III.a-Goñi III.a eta Olaizola II.a-Mendizabal II.aren arteko partiduko sarrerak Tick-Tack-Tickek sistimaren bidez eros daitezke jadanik.
Bestelako kirol eta kultur ekitaldietan bezalaxe, zenbait partidutarako modu hau martxan dago eta etxetik lor daitezke sarrerak.
Tick-Tack-Ticketen pilotalekuko krokisa agertzen da edonolako sarrera erosteko eta kreditu txartelaz ordaintzen da.
Sarrerak hartzeko zenbait salerostegitan egin ahal da.
Esan behar da ostailaren 7an programatutako jaialdirako ere era honen bidez har daitezke sarrerok.
TXAPELDUNAK SINATUTAKO ELASTIKOA
Bizkaiko Sodupe herriko Marta Diezek eraman du Oinatz Bengoetxeak beraren aurrean sinatutako kamiseta, joan den astean Zornotzan izan zen jaialdirako www.asegarce.com-en bidez sarreak erosi zituztenen arteko zozketan irabazlea suertatu delako.
Bestalde gaur aukeraketa bi egon dira.
Olaizola II.a eta Mendizabal II.a alde batetik eta Titin III.a eta Pascual bestetik, Labriten egon dira eguerdian datorren larunbatean jokatuko duten partidurako pilotak aukeratzen.
Asegarcekoek 106,9,102,8 eta 105,3 gramoko pilotak hartu dituzte Titin III.ak eta Pascualek 106,3, 106 eta 104,9 gramokoak hautatu dituzten bitartean.
Olaizola I.ak eta Patxi Ruizek Asegarceko ordezkari gisa eta Mtz. de Irujo eta Goñi III Asperen aldetik materiala hautatu dute Lizarran.
Gorriek 106,6, 106 eta 106,2ko pilotak bereiztu dituzte.
Urdinek berriz 105,2, 104,5 eta 105,4 gramoko bolak hautatu dituzte.
Asier eta Patxiren lotea frontisetik irteera dauka.
Juan eta Fernandorena berriz bote erdikoa da pilota bat izan ezik, Ciprirena dena hain zuzen ere, bote gehiago duena alegia.