OLAIZOLA II.A “OPARI GUTXIAGO EGIN BEHAR DITUT”

2019-03-22

Aimar Olaizola eta Titin III.ak bat egin dute goizean Ogueta pilotalekuan datorren igandean Lau eta Erdiko txapelketaren finalerako txartela emango duen partiduan erabiliko dituzten pilotak aukeratzeko.
Jende andana harmailan eta kazetari asko kontrakantxan bi pilotariak hurbiletik ikusteko. Arazorik ez omen da izan materialarekin eta prentsaurrekoan biak batera agertu dira.

-Olaizola II.a
Nere materialarekin gustora geratu naiz. Titinenek bote gehiago dute eta biziagoak dira. Hala eta guztiz ere, partidua jokatu ondoren ez da honi buruz kexarik izango.
Barriolaren kontrako partiduan nik ohi egin ez ditudan opariak egin nituen eta handia den pilotari baten kontra holan jokatzen baduzu jai dago.
Honako partidu hau gogorra izango da. Titin III.ak erritmo handia sartzen dio neurketari, abiaduraz jokatuz. Ahaleginduko naiz frontisetik urrun mantentzen eta aire jokua sahiesten.

Erritmoa eta abiadura

-Titin III.a
Ohiko pilotak hartu ditut, hots, azkarrak eta frontisetik ondo ateratzen dutenak. Berarenak mugitzeko zailak direnetakoak dira.
Estrategiari buruz, ez dago sekreturik; bera ni frontisetik urrun mantentzen saiatuko da eta nik, aldiz, bera nere aire jokuan nahasteari ekingo diot.
Opari gutxien egiten duena partida irabaziko du”.

Olaizola II: 105-105,2 g.
Titin III. 102-102,2 g.