PATXI RUIZ FINALARREKOETAKO LIGAXKATIK KANPO GERATU DA MTZ. DE IRUJOK MENDERATUTA

2019-03-22

Patxi Ruizek ez du aurtengo Lau t´Erdiko Txapelketako finalaurrekoetako ligaxkan jokatzerik izango gaur Lizarrako Remontival pilotalekuan Mtz.de Irujoren aurka 22-12 galdu ondoren.

Asegarceko pilotariak partidu on bat jokatu du baina ez da nahiko izan tantoak -gehienak airez- bukatzeko erraztasuna erakutsi duen aukari bat menderatzeko.

Atzelari nafarrak erremate sorta eder bat gauzatu du, gantxuz eta zabalerako txapagaineko tartekatuz baina horrek ez du inoiz Mtz. de Irujorengan urduritasunik sortu, izan ere, Iberokoak hasieratik eduki du soberako abantaila 22 zenbakira heltzeko.

TXAPELDUN TXIKIAK EZ DU HANDIA IRABAZTERIK

Mikel Urrutikoetxeak, egun 2. mailako Lau t´Erdiko txapelduna, ezer gutxi egin ahal izan du 1.mailako txapelduna den Sebastian Gonzalezen aurkako kanporaketan eta 22-9 galdu du Larraintzargo Ultzama pilotalekuan jokaturiko partiduan.

Asegarceko pilotariak ez du apenas aurkaria estutu eta azken honek egin duen joko luzeak eta airezko erremateek bere joko ahaleginak deuseztatu dituzte. Nahiz eta zabalera botatako txapagainekoren bat lortu orokorrean ez du bere ohiko ikutze erakutsi.