XALAREN BOLEAK PATXI RUIZ MENDEAN HARTU DU

2019-03-22

Patxi Ruizek ezin izan du EPELen lau t´erdiko finalaurreko ligaxkaren bigarren partidua irabazi eta Xalaren kontra etsi behar izan du 22 eta 15 emaitzaz.
Asegarceko atzelariak opari asko egin ditu eta arerioak sortu duen aurreko jokuan erori da partiduko zenbait unetan. Prentsaurrekoan esan duenez “partidu txarra jokatu dut eta beratik kanpo geratu naiz tarte batzuetan, akats batzu egin ondoren eta aurreko koadroetan nere burua sartu dudalarik”.

Aurkariak, Ives Salaberri, Xala, norgehiagoka serioa jokatu du eta erremateak egiteko duen erreztasuna ederki erakutsi du, nahiz hormabiko bolea, zein gantxu eta zabalerako pilotakadaz.
Gainera Patxi egindako piloteo luzeari ondo erantzun du, jokaldi batzuetan botiboleaz ere joku hori moztu duelarik.