Arretxe II.a eta Begino sailkapenaren azken tokitik irten dira

2019-03-22

Azken jardunaldian lortu dute Arretxe II.ak eta Beginok, Euskadi Goza ezazu Binakako Txapelketaren azken postutik irtetzea, gaur, Tolosan, Titin III.a eta Merino II.aren aurkako partidan 18-22 irabazi eta gero.

Ikerrek eta Aritzek ederto konpondu dute beren buruekin eta nahiz aurrealdean zein atzean euren aurkariak menderatu dituzte.
Arretxek pilota franko asko utzi dizkio lagunari, eta honek Merino II.a estutzeaz gain, errematatzeko pilota dezente ipini dio luzaidearrari.
Ikerrek 9 tanto lortu ditu, asko hormatik paradak eginez.

Datuak:
54 min.
Titin III.a: sakerik ez, 11 tanto, 4 huts.
Arretxe II.a: sake bat, 9 tanto, 2 huts.
2-1 4-2 5-2 7-6 11-6 12-10 13-13 13-19 16-21 18-22.