LARUNBAT HONETAN JAIALDI BAT IZANGO DA IRUÑEKO LABRITEN

2019-03-22

Iruñeko Labrit pilotalekua jaialdi baten eskenatokia bihurtuko da larunbat honetan, izan ere 17:00 etatik aurrera bi neurketa jokatuko dira.

Lehendabizikoan Urrutikoetxeak eta Otxandorenak Lemuno eta Mendizabal II.ari aurre egingo diete.
Partidu nagusia erakargarria da oso Bengoetxea VI.ak eta Belokik Olaetxea eta Beroizen aurka jokatuko baitute.

Bestalde esan larunbatean ere NITROko FRONTON programa Burgoseko Lavaderos pilotalekuan izango dela. 18:00 etatik aurrera Olaizola I.ak eta Arretxe II.ak jokatuko duten San Fermin lau eta erdiko Txapelketako partida eta jarraian izango den Olaizola II.a-Albisu Vs. Berasaluze VIII.a-Patxi Ruiz neurketak eskainiko ditu zuzenean.
Pilotazaleek interneten bidez ere ikusi ahal izango dituzte. Hemen zapaldu.

ASEGARCEKO KONZENTRAZIOA LEKEITION
Urtero bezala Asegarce enpresako kide guztiak konzentrazioan izango dira eta aurten Lekeitio Aisia hotelean bilduko dira.

Bilera honetan enpresako pilotari, teknikari eta zuzendaritza izango dira pilotalekuetako girotik atera, komunikazioa landu eta erabateko ez den atsedenaz disfrutatzeko helburuarekin.

Egonaldi honetan frontoi saio arinak egiteaz gain talasoterapiaz ere disfrutatu ahal izango dute yacuzzy, saunak eta masaiak daude eta.
Gainera giro ederra dagoenez zenbait ekitaldi bereziak sortzen dira halaber futbol partiduak, estropadak …

Konzentrazioa 20an hasiko da eta 23an bukatuko da.