BEGINOK “GUK EZ DITUGU KONTUAK EGITEN, IGANDEKO PARTIDUAN BAINO EZ DUGU PENTSATZEN”

2019-03-22

Olaizola II.a-Begino eta Xala-Barriola bikoteak Eibarko Astelena pilotalekuan izan dira gaur eguerdiz datorren igandean jokatuko duten Euskadi Goza ezazu Binakako Txapelketako finalerdietako ligaxkaren azken partidurako pilotak aukeratzen.

Hautaketa bukatu eta gero asegarce.com Beginorekin solasean izan da eta hauek dira Aritz Beginok egindako adierazpenak.

“Gakoa lan eta lan egitea da. Barriolari eraso egingo diogu eta une egokietan tanto bukatzera joango gara.
Ondo gaude, gustora entrenatu gara.
Joan den larunbatean Iruñean jokatutako partidua irabazteak konfidanza eman digu eta hori garrantzitsua da.
Guk ez dugitugu kontuak egiten, jakina Mtz. de Irujo eta Merino II.a galtzea komeni zaigu, baina igandeko partiduan baino ez dugu pentsatzen”.