Titin III.a-Beroiz eta Arretxe II.a-Ibai Zabala Amorebieta-Etxanoko Amorebieta IV.a pilotalekuan egon dira gaur datorren ostiralean jokatuko duten Esuskadi Goza ezazu Binakako txapelketako partidurako pilotak aukeratzeko.
Asegarce.com Berrizko atzelariarekin mintzo da eta zera esan digu:
“Beroizek Pascualen ordez jokatzeak ez du eragin handirik izango neurketarako. Mikelek Iñigo baino jo ahulagoa du baina menderatzeko oso zaila da. Guk atze alde hori joko dugu eta aukera sortzen denean Iker errematatzera sartuko da.
Nik txapelketan jokaturiko partiduei buruz hitz egitekotan, esan behar dut nahiko pozik nagoela denok irabaztea nahi arren. Azkainen partidu ona egin genuen eta erdiko mailako bikoeta baino gehiago garela garbi ikusi ahal egin zen.
Titin III.a-Beroiz: 104,9, 105,7 eta 106 g.
Arretxe II.a-Ibai Zabala: 105,5, 106,3 eta 105,3 g.
Baita Tolosan ere
Mtz. de Irujo-Merino II.a eta Berasaluze VIII.a-Apraiz bikoteek bat egin dute arratsaldez Tolosako Beotibar pilotalekuan datorren astelehenean elkarren aurka jokatuko duten Euskadi Goza ezazu Binakako txapelketako finalaurdenetako partidurako pilotak bereizteko.
Aspeko bikoak 105,6, 104,9 eta 106,4 gramoko larruzkoak hartu ditu eta urdinek aldiz 105,1, 105,9 eta 105 koen alde egin dute.