OLAIZOLA II.A ETA BEGINO TXAPELKETAKO BURUAK DIRA JADA

2019-03-22

Asegarceko bikotea osatzen duten Olaizola II.a eta Begino Euskadi Goza ezazu Binakako Txapelketako buruan jarri da gaur Eibarko Astelena pilotalekuan Xala eta Barriola 22-19 garaitu eta gero.

Partida ederra katedralean bete duen pilotazale mordoak dastatu ahal izan duena, izan ere emozio non nahi egon da eta goi mailako tantoak jokatu dituzte lau pilotariek.
Neurketaren giltza atzealdean izan da. Bertan Barriola eta Beginoren arteko borroka protagonista izan da eta esan behar da azkenean Auzatarra suertatu da irabazle.

Aritzen zigorraz gain Abelek Olaizola II.aren erasoa ere pairatu behar izan du; goizuetarrak ederki gozatu du pilotaz atzealdera bidaltzerakoan eta horren seinalea lortu duen errebotea da. Azken txanpan nekeak Leitzako atzelaria hartu duela nabaria izan da.
Xalak partidu irregularra jokatu du eta zenbait unetan hotz antzeman zaio kantxan.

Lehia gogorra Adarragan

Olaizola I.ak eta Belokik ez dute Euskadi Goza ezazu Binakako Txapelketako beren bigarren puntoa lortzerik izan Logroñoko Adarraga pilotalekuan Titin III.ak eta Paskualek 22-20 menderatuta izan eta gero.

Partidu zati gehienean Asegarceko bikotea nagusi izan da. Asierrek zein Rubenek abiadura handiz jo diote pilotari eta Paskualek errebote inguruetatik bere burua defenditu behar izan du baina sendo egon da. Titin III.aren hasiera motela izan da baina ondoren bere errematatzeko trebetasuna atera du eta 14-18 izatetik 19na egotera eraman du markadorea.
Gorrien bi tanto eta Belokiren huts batek garaipena eta puntoa eman diote Aspekoei.

Sailkapena.