PATXI RUIZEK BARRUKO MAMUAK KANPOTATU DITU ETA FINALERDIETARAKO TXARTELA LORTU DU

2019-03-22

Patxi Ruizek EPELen Eskuz Banakako Txapelketako finalerdietan sartzeko pasea eskuratu du Iruñako Labrit pilotalekuan boladaka jokatu den partiduan Julen Retegiri 22-14 irabazi ondoren. Fase horretan Mtz. de Irujoren aurka jokatuko du Lizarrako pilotariak.

Neurketaren hasieran 4-9 jarri da aurretik Eratsungo pilotaria, dejada eta pilotakaden bidez aurkaria estutuz. Patxi urdurik jartzen hasi da eta partidua eskuetatik joango zitzaiolako beldurrak hartuta ez du pilotaz behar bezala gozatu.

Ondoren, estrategia erabat aldatu du Lizarrako atzelariak eta airez jokatu beharrean botean aritzea erabaki du. Horrela eta bere materialaz lagundurik, errebote inguruan behartu du Julen azken honek harantz lasterketa gogor batzu egin behari izan duelarik.
Asegarceko atzelariak pilotari emandako abiadurak jadanik nekeak hartuta Retegi Biren azken ahaleginak ezabatu ditu.