OLAIZOLA II.AK MIN HARTU DU ESKUBIKO BELAUNEAN ETA ERRESONANTZIA BAT EGINGO DIOTE

2019-03-22

Aimar Olaizolak lesionatuta utzi behar izan du Labriteko kantxa Patxi Ruizeren kontrako partiduan 5-7 markadorean zela, eskubiko belaunean min hartu eta gero.
Goizuetako pilotariak bapateko mina nabaritu du kanpoko aldean estropezu egiterakoan eta lurrera erori da minez keinuka. Ezin izan du bere kabuz jeiki eta lagundurik joan behar izan du aldageletara heltzeko.

Han Txema Urrutia sendagileak aztertu du eta Iruñako Medicis klinikara erresonantzia bat egitea erabaki du lesioaren zer mailatakoa den jakiteko. Datozen ordutean jakingo da emaitza.

Une horretarate partidu bikain suertatzen ari zen, izan ere, bi pilotariek aparteko jokaldiak gauzatzen ari ziren eta. Harmailetan giro akaragarri izan da.

ERRESONANTZIAREN EMAITZA

21:00 etan erresonantziaren xehetasunak jakin izan dira eta hauxe da emaitza:
Atzekaldeko ligamento gurutzatuaren haustura azaltzen da. Hala ere, erresonantziak ez du erabateko zehaztasuna ematen, beraz, hazidura desagertzen denean azterketa klinikoa egin behar zaio apurketa partziala edo osoa den ezagutzeko.