BERASALUZE VIII.AK ETA BEGINOK UDAKO BEREN HIRUGARREN FINALA JOKATUKO DUTE

2019-03-22

Berasaluze VIII.ak eta Beginok udan orain arte jokatu diren bost torneoetatik hiru aldiz finaletara sailkatu dira San Fermin eta Donostian irabazi dutelarik.

Lekeitioko bigarren finalerdian 20-22 mendean hartu zituzten Mtz. de Irujo eta Laskurain pilotazale pilo batek disfrutatu zuen partida eder batetan. Horren seinalea bi aurrelarien zifrak dira: Iberoko pilotariak 9 tanto egin zituen Pablok 10 gauzatu zituen bitartean.

Lehen zatian Mtz. de Irujo partiduaren agintearen jabea izan zen eta Berasaluze VIII.a nahiz Begino gora beheratsu azaldu ziren.
Nahiz eta 18-13 galtzen joan, apurka apurka gorantz jo zuten urdinek Beginoren nagusitasunari esker eta Berasaluze VIII.aren eraso bortitza dela eta. Berriztarrak luze jokatu zion Irujori eta honen erantzunari airezko erremateak gauzatu zituen aurrelari bizkaitarrak.
Emaitza honen ondorioz Berasaluze VIII.ak eta Beginok Olaizola II.a eta Peñagarikanori aurre egingo die igandeko finalean.