Aimar Olaizola eta Oier Mendizabal eta Gonzalez eta Barriola Eibarko Astelena pilotalekuan egon dira eguerdiz igandean oso garrantzitsua den txapelketako partidurako pilotak aukeratzen.
Txapeldunek 104,2, 105,4 eta 105,5 gramoko pilotak hartu dituzte. Urdinek berriz, 105,5, 104,5 eta 105,4 gramokoak hautatu dituzte.
Aspekoen pilotek frontisetik irteera gehiago omen daukate baita lurretik ondo joan ere. Aipatu behar da Barriola ezkerrez soilik egin duela hautaketa. Leitzarrak bihar egingo du aproba.
Prensaurrekoan zera adierazi du Olaizola II.ak.
“Astelena frontoia ezberdina da. Frontisa azkarra da eta lurra aldiz zakarra.
Lesioa? Gu biok lesionaturik izango bagina ez ginateke hemen izango. Ehuneko ehunean jokatzeko moduan gaude.
Partida guztiak erabakiorrak dira. Egia esateko txapelketa ona suertatu da. Denok irabazi beharra dugu”.
Tolosan ere izan da pilota aukeraketa. Bertan Olaizola-Patxi Ruiz eta Xala-Zubieta egon dira eta honako pilota hauek aukeratu dituzte bi bikoteok:
Gorriak: 104,5, 105,4 eta 104 g.
Urdinak: 102,8, 103,2 eta 103,4 g.
Xala eta Zubietarenak biziagoak omen dira.