Julen Retegik eta Iñaki Larraldek bat egin dute eguerdian Zornotzako Amorebieta IV. pilotalekuan datorren larunbatean jokatuko duten bigarren mailako eskuz banakako finalerako pilotak hautatzeko.
Asegarceko pilotariak 105,4 eta 105,6 gramoko pilotak aukeratu ditu, aurkaria baino irteera gehiagotxoak eta Larraldek aldiz 104,6 eta 104.5 pisukoak, ia Juenen antzekoak.
Eratsungo pilotariak berrogei bat sarrera erreserba egin ditu Apraiz, Arruti, Merino eta Arretxe II.a mendean hartzeak eraman duen finalerako.
Asegarce.com berarekin egon da solasaldian eta hauxe da kontatu diguna:
-Gustora materialarekin?
Arazorik ez. Nahi nuena aurkitu dut, pilota astunak eta eskuan ongi sartzen zaizkidanak.
-Estraineko banaka finala …
Beste bat jokatu nuen lau eta erdian 2005ean Arretxe II.aren kontra eta galdu egin nuen.
-Urdurik?
Egunotan ez, baina badakit egunak pasa ahala nere burua aldatzen hasiko da eta gaurtik aurrera ez ditut edozein telefonozko deia hartuko.
-Nola ikusten duzu partidua?
Oso zaila. Larralde pilotari arriskutsua da, erasokor, sake ona duena, eta boleaz erasora jotzen duenetarikoa.
-Abizenak baldintzatzen zaitu?
Nik nere zeregina daukat. Pilotan aritzen naiz eta ondo pasatzea gustatzen zait.
-Txapela irabaziko bazenu non jarriko zenuke, Iruñean ala Eratsunen?
Hori amak erabakitzen du. Hori garbi dago.
-Bukatzeko, nongoa jotzen duzu zure burua, Iruñekoa ala Eratsungoa?
Nik Eratsungo erraldoian daukat izena emanda , hortaz, Eratsungoa naiz.