PATXI RUIZI EBAKUNTZA ONDO ATERA DA

2019-03-22

Ordu eta erdi eman eta gero Patxi Ruiz arratsaldeko bost eta erdietan irten da Gipuzkoa Poliklinikako kirofanotik Ander Letamendia sendagileak ezker eskuko laugarren eta bostgarren hatzetan ebakuntza egin eta gero.
Ebakuntzan resekzioa egin diote aneurismean, trombektomia distala eta odol-jarioa arteria kubitopalmarrera biderarazi dute. Era berean, hatzen tenperatura zuzendu diote.

Lizarrako atzelaria sei-zortzi bat aste pilota ikutu gabe egon behar izango da eta txapelketan parte hartzeko aldiz, hiru hilabete itxaron beharko du.
Patxik Poliklinikan gaua eman beharko du eta arazorik ez izatekotan bihar goizean emango diote alta medikua.