IZA “GUSTORA LO EGIN DOT”

2019-03-22

Primeran aurkitzen du bere burua Iñaki Izak atzo profesionaletan lehen partida jokatu ondoren. Gustora lo egin duela aitortzen du asegarce.com-en baita pozik dagoela ere.
Berarekin egon gara Asegarce .com-ekoak eta hauxe da kontatu diguna.

– Zelan egin duzu lo?
Oso ondo, gustora. Pozik nago eta primeran lo egin dut.

-Zer izan da esnatzerakoan euki dozun lehen pentsamendua?
Frontoian izan zen betekada, herriaren erantzuna eta emaitza.

– Atzo ondo, ezta?
Oso ondo. Ez nintzan urdurik atera ezta partiduan zehar ere eta horrek konfidantza emoten deutsu. Erdialdean beheraldi bat euki neban baina azken zatian berriro ere gustora aritu nintzan eta gorantz joatea erabaki neban.

-Zer izan zen gogorrena?
Partidu luzea izatea. Profesionaletan igertzen da pilotakada gehiago emon behar direla.

-Eta frontoi beteta …
Eskertzekoa da. Herri osoa bertan ikusteak morala eta indarra ematen deutsu. Ez nuen espero.

-Intendenteek datorren zapatuko estelarrean ipini zaitue…
Ez nuen espero. Oso pozik nago horregatik eta ea ondo egiten dodan.

-Hemendik aurrera helmugak?
Lehenengoz uda on bat egitea; partidu asko jokatu, eskuak ondo euki eta ea estelarretan sartzen naizen.