LEIZA ETA ZEARRA ZARAUZKO TORNEOAREN FINALERDIAN TITIN III ETA LASA III IRABAZITA

2019-03-22

Leizak eta Zearrak osatzen duten bikote bizkaitarra Zarautz Hiria Torneoaren finalerdian izango da Titin III.a eta Lasa III.a faboritoak tantu bakar batez mendean hartu ostean.
Neurketak gorri kolorea zuen hasiera-hasieratik Augusto eta Oskar 8-1 eta 14-6 aurretik joan baitira markagailuan. Hala eta guztiz ere Zearraren lan bikainak -onena izan da- eta Leizaren tantu garrantzitsuek urdinen alde ekarri dute garaipena.

Oier hasieran hotz aritu da eta Titin III.ari airea kentzen ezin ibili da baina ondoren partiduan erabat sartu da eta Lasa goitik behera menperatu du. Leizak ez du hasieran gauza handirk egin baina bigarren zatian partidaren ardura hartu du eta oso erabakiorrak izan diren tantu batzu egin ditu, hoien artean 22ª egin duen gantxu izugarria.
Leizak eta Zearrak Bengoetxea VI.a eta Patxi Ruizen kontra neurtuko dituzte indarrak finalerdian.