BI ARTISTA NOR BAINO NOR GERNIKAN

2019-03-22

Gaur, gaueko hamarretan Bengoetxea VI.a eta Patxi Ruiz finalerako pasea emango den garaipen baten bila arituko dira Gernikan Titin III.a eta Pascualen aurrean. Hitzordu hau erabakigarria da, zeren Aspekoek norgehiagoka irabaziko ez balute txapelketatik at geratuko lirateke.
Gernikako Santanape pilotalekua maila handiko norgehiagoka baten lekukoa izango da. dudarik gabe, Aspeko bikotea bere joko hoberena ateratzen saiatuko da, lehiaketa honetan Bengoetxea VI.a eta Patxi Ruizen kontra jasotako bi porroten ordaina hartzeko. Hala ere, Azkoitiako emaitzaz ez den fidatzen Patxi Ruizek ezer lortu izan ez balute bezala atera behar dutela adierazi du.
Azken urte honetan aurrelari biak 6 aldiz egon dira aurrez aurre eta haienetariko 5 Bengoetxea VI.ak irabazi ditu, Titin III.ak berriz garaipen bakarra lortu du, horregatik gaur gauean maila handiko borroka ikusteko aukera izango dugu.