PATXI RUIZ: “EUGI PILOTARI HANDIA DA BAINA NIK EZ DUR EZER BAZTERTZEN”

2019-03-22

Patxi Ruizek joan den asteazkenean egin zuen entrenamendua Asegarceko kirol zuzendaria den Julian Retegien begiradapean Labrit pilotalekuan.
Eugiren kontrako partida baino lehenagoko frontoiko azken lan saioa arina izan zen eta eskuak egiteko baino ez zen.
Patxi gogotsu azaltzen da Labriteko neurketaren aurrean batez ere Belokiri irabazi eta gero “Rubenen kontrako garaipenak poz handia eman dit baina oraingoan ez dut ezer baztertzen. Eugi pilotari handienetako bat da buruz buru eta experientzia handia dauka baina nik irabaz dezaket eta finalerdietara begiratzen dut”.

Bere eskubiari buruz Asegarceko atzelaria baikorra da “Iñigo Simonen aginduak bete ditut eta egin didaten tratamendua ondo joan da. Larunbatean ez da arazorik izango”.
Partidua Telecincok zuzenean eskainiko die pilotazale guztiei.