GAZTEAK PILOTARIEN ATZETIK

2019-03-22

Ez Yeste, ez Xabi Alonso ezta holakorik ere. Oinatz Bengoetxea, Pablo Berasaluze eta antzeko pilotariak aukeran izanez gero besterik ez dago.
Honela pentsatuko zuten Gasteizko Mendizorrotzako pilotalekuetara Asegarceko pilotariak entrenatzen ikustera etorri ziren Gasteizko Mendebaldea eta Gipuzkoako Alegi herriko institututako 40 neska eta mutikoek.
12 eta 13 urtetako gazteek gainlana eman zieten bertan zeuden pilotariei argazkiak atera, beraiekin egon eta galdereei erantzun beharraren aurrean.
40 pilotazaleek takuak nola ipini, entrenamendu aurreko zer nolako beroketa ariketak egin behar diren eta kantxan bertan entrenatzaileen agindupean saioak zelakoak diren ikusteko aukera ederra eduki zuten.

Ikusi eta ikasi

Guzti hori ikasia, zergatik ez sartu kantxan? Ba horixe bera egin zuen talde ederrak Mendizorrotzako pilotaleku txikian pilota joku batzu gauzatuz. Eta argazkian ikusten denez Uxuek bere gelako mutikoen joku maila bezain ona egiten badakiela ederto erakutsi zuen, askoren ustekaberako.
Asegarceko begiraleek apunte zehatzak hartu zituzten Mendebaldea eta Aralar institutuetako pilotari gazteen saiotik. Auskalo geroko pilotariak non ote dauden …