2023-06-22
San Fermin Torneoak emango dio hasiera udari, eta ondoren CaixaBank Mastersa, eta Andre Maria Zuria, Aste Nagusia, Donostia Hiria eta San Mateo torneoak jokatuko dira
CaixaBank Mastersa uztailaren 21ean hasiko da Urrestillan eta urriaren 1ean amaituko da Navarra Arenako finalarekin
Enpresa bakoitzeko sei pilotarik hartuko dute parte, sei bikote misto osatuz
Bost jardunaldiko sailkapen liga, playoffak, finalerdiak eta finala izango ditu
Bilbo, 2023ko ekainaren 21a
Esku pilota profesionaleko udako egutegia aurkeztu da gaur. CaixaBank Mastersa aurkezteko balio izan duen ekitaldi honetan, torneoan parte hartuko duten bikoteak izan dira. Enpresa bakoitzeko sei pilotari izango dira, eta bikoteak berriz ere mistoak izango dira, aurreko edizioetan bezala.
ELORDI – ALBISU
EZKURDIA – MARIEZKURRENA II
PEÑA II – REZUSTA
ALTUNA III – IMAZ
JAKA – MARTIJA
LARRAZABAL – ZABALETA
CaixaBank Mastersaren aurkezpenean parte hartu dute Juan Pedro Badiola CaixaBank-eko Ipar Lurralde Zuzendariak, Unai Iglesias Baiko Pilotako arduradun komertzialak eta Inaxio Errandonea Aspe Pelotako arduradun komertzialak.
CaixaBank Mastersa uztailaren 21ean hasiko da Urrestillan eta urriaren 1era arte iraungo du. Pilotariek bost jardunaldiko sailkapen liga jokatuko dute eta lehen postuan sailkatzen den bikoteak zuzenean jokatuko ditu finalerdiak. Bigarren sailkatuek bosgarren sailkatuen aurka jokatuko dute playoffetan, eta hirugarrenek laugarrenen aurka. Seigarren bikotea kanporatuta geratuko da. Iruñeko Navarra Arenan jokatuko da CaixaBank Masterseko finala urriaren 1ean.
Jaialdietarako sarrerak entradasfronton webgunean eskuratu ahal izango dira.