Lasok kontratua berritu du Baikorekin

2025-01-27

Baiko Pilota eta Unai Laso akordio batera iritsi dira euren arteko harremana 2030. urtera arte luzatzeko.

Unai Lasok sei urterako sinatu du, 2030eko abendura arte. 2016an debuta egin zuenetik, Lasok sei final jokatu ditu, hiru modalitateetan banatuta, eta bi txapel irabazi ditu. 2022an Buruz Buruko Txapelketa bereganatu zuen finalean Ezkurdiari irabazita. Eta 2024an P.Etxeberriaren aurkako final zirraragarri eta lehiatuan 4 1/2 Eusko Label Txapelketako txapela jantzi zuen Lasok.

Akordioa sinatu berritan, Unai Lasok esker oneko hitzak izan ditu: “Urte hauetan emaitza onak lortu ditut, sei final, bi txapel… Lan guzti horren emaitza da hau. Sei urterako sinatu dut, kontratu luzea da, kirol munduan sarritan ikusten ez dena, eta pozik nago. Eskertzekoa da nigan jarri duten konfiantza, eta orain lanean jarraitu beharra dago.”