Etxarri-Aranatzeko jaialdiak emango die hasiera asteburuko pilota ikuskizunei

2020-10-02

Gaur, iluntzeko 21:15ean, Eskuz Banakako Txapelketako aurre-kanporaketa bat jokatuko dute Arteaga II.ak eta Bakaikoak Etxarri-Aranatzeko Euskalerriari pilotalekuan. Eta hau amaitu ondoren, Bengoetxea VI-Aretxabaletak eta Zubizarreta III-Arangurenek jokatuko dute bikoteka.

Bihar, pilotazaleek, Bilboko Bizkaia Frontoian dute hitzordua jarrita. Binakako Txapelketako finalerdietako bigarren jardunaldiko partida jokatuko dute Jaka-Zabaleta eta Agirre-Albisu bikoteek. Biak ala biak garaipenaren bila aterako dira kantxara, lehenengo jardunaldiko partidak galdu ondoren. Pilota jaialdia 17:30ean hasiko da.

Eta etzi, igandean, Eibargo Astelena pilotalekuak finalerdietako jardunaldi honetako bigarren partida hartuko du. Lehenengo jardunaldian garaipena lortu zuten Olaizola II-Urrutikoetxea eta Ezkurdia-Martija izango dira aurrez aurre. Eibargo jaialdia 17:00tan hasiko da.