Arretxe II.ak bere azken partida jokatuko du Baikoko pilotari bezala ostiral honetan

2020-07-28

Iker Arretxek, Arretxe II.ak, uztailaren 31n, ostiralean, amaituko du Baikorekin batera eginiko ibilbidea. Aiegin azken partida jokatuko du Salaverri II.arekin Dario-Garmendiaren aurka.
Luzaideko aurrelariak 2005eko ekainaren 11n egin zuen debuta Labriten, eta 15 denboraldi egin ditu orain arte pilotari profesional gisa Baikoren baitan. 

750 partida baino gehiago jokatu ditu eta inoiz 8 partida jarraian ere kateatu izan ditu. Arretxe II.ak bi aldiz irabazi zuen Bigarren Mailako Binakako Txapelketa (2006 eta 2010), eta Bigarren Mailako 4 1/2ko txapelduna izan zen bere debuteko urtean.
Urte guzti hauetan egindako lana eta profesionaltasuna eskertu eta etorkizun oparoa eskeini nahi diogu Iker Arretxeri, Arretxe II.ari.