ARRETXE II.A ETA IBAI ZABALA PROMOZIO BINAKAKO TXAPELDUN HANDIAK

2019-05-13

Iker Arretxek eta Ibai Zabalak Promozio Binakako txapelak eskuratu dituzte gaur Iruñeko Labrit pilotalekuan Ekaitz Saralegi eta Iñaki Eskudero 7-22 mendean hartu ostean.
Partiduaren gakoa atzekaldean gauzatu da, izan ere, Ibai Zabalak lehia aparta egin du, ia pilota guztiak gozatuz eta neurketa osoan zehar Eskudero errebote inguruan edukita.
Gauzak horrela, Saralegi ezinean aritu da; bere bikotekide laguntzen saiatu da baina Berrizko atzelariaren nagusitasuna erabatekoa izan da. Gainera errematatzeko pilotak izan dituenean behartuta sartu da eta huts batzuk egin ditu.
Arretxe II.ak modu praktikoan jokatu du, hau da, bere lagunari ederto astintzeko pilota asko utziz eta aukera garbiak izan dituenean bukatzera joan da.
Labriteko harmailetan, giro ikaragarria izan da lau pilotariei animoak ematen aritu diren dozenaka gazte bertan zirelarik.
Aurreneko partiduan, Apraiz izan da protagonista. Gernikarrak pilotakada ederrak eman ditu eta Eulate menderatuta izan du.