ZILARREZKO LAU T´ERDIKO FINALAREN TRENA OIARTZUNDIK IGAROKO DA

2019-05-13

Iker Arretxek bigarren mailako lau t´erdiko txapelketan jarraitzeko garrantzi handiko partidua jokatu beharko du gaur Beloki II.aren kontra Oiartzungo Madalensoro pilotalekuan.
Luzaideko aurrelariak Retegi BIren kontra galdu zuen 21-22 lehenengo norgehiagokan eta orain falta diren bi partida irabazi beharrean da finalean sartzeko. Horietatik lehenengoa Beloki II.aren aurka dauka eta aipatu beharra dago Bulatarrak inolako aukerarik ez duela aurreko bi lehiak Eguskiza eta Retegi BIren kontra galduta baitauzkala.
Hala eta guztiz ere, Burlatako ezkertiarra bere profesionaltasuna eta maila erakutsiz irabaztera aterako dela zalantza izpirik txikienik ere ez dago. Hortaz Arretxerentzat hil ala biziko partidua izango da Oiartzunen jokatuko duena.