Amianok debuta egingo du Baiko Pilotarekin

2025-07-01

Irungo 20 urteko aurrelariak Baiko Pilotaren koadroa osotuko du, eta irailean egingo du debuta.

Unai Amiano Berako pilota klubean hasi zen, geroago Añorgan jarraitu zuen, eta azken urteak Tolosan egin ditu, Tolosa Aurrera Pilota Elkartean. Azken urtean emaitza onak lortu ditu irundarrak, eta besteak beste, Mallabiko Biharko Izarrak, Espainiako Txapelketa, Errege Kopa eta Lezamako Torneoa irabazi ditu.

Aimar Olaizola Baikoko kirol arduradunaren esanetan, “Unairen gauzarik azpimarragarriena, duen kolpea da. Eta lan asko eginez errematea asko hobetzen ari da.”

Amianok bi urterako sinatu du Baiko Pilotarekin eta irailean debutatuko du geroago ezagutzera emango den data batean. Pozik agertu da Baikok eskaintzen dion aukera honegatik.