Artola berriz txapelketan

2019-10-10

Hamabigarren jardunaldirako frontoiak eta egunak

Sutan dago Binakako Txapelketa. Irribarria-Rezusta finalaurrekoetan daude jadanik, baina gainerako hiru tokiak betetzeko sei biko hautagai daude; lauk sei puntu dituzte eta geratzen diren bik bosna dauzkate. Hamabigarren jardunaldia jokatuko da asteburu honetan eta hauek dira frontoiak eta datak.

Larunbatean, hilak 25, 16:45etan Labrit frontoian, Olaizola II.a-Untoriak eta Ezkurdia-Rezustak indarrak neurtuko dituzte. Pilota aukeraketa asteazkenean 11:30etan egingo da.

Igandean Eibarko Astelena frontoiaren txanda izango da. Bertan, 17:00etatik aurrera Irribarria-Rezusta eta Artola- Albisu aurrez aurre arituko dira. Urdinentzat ia hil ala biziko partida da finalerdietan sartzeko aukera izateko.Pilota hautaketa asteazkenean 16:00etan izango da.

Tolosako Inauteriak dira 27an eta 28an eta jaialdi bana jokatuko da Beotibarren.
Astelehenean, 16:30etatik aurrera, Urrutikoetxea-Imazek eta Elezkano II.a-Zabaletak elkarren aurka jokatuko dute. Materialaren bereizketa ostegunean, hilak 23, 10:30 egingo da.

Eta inauterietako asteartean, baita 16:30etan ere, Bengoetxea VI.a-Larunbe eta Altuna III.a-Barriolaren arteko neurketa jokatuko da Beotibarko kantxan berriro. Pilota aukeraketa ostegunean 11:00etan izango da.