Artola kantxetara itzuliko da eta Larrazabalek Peña II.a ordezkatuko du asteburuan

2024-12-10

Iñaki Artola, giharretako haustura sendatuta, kantxetara itzuliko da asteburu honetan, Peña II.ak ordea ezker eskua minduta du eta ez du jokatuko

Alegiako aurrelariak egindako azken entrenamenduak onak izan dira, eta ezker hankako iskiotibialetako lesioa gainditu ondoren, frontoietara itzuliko da asteburu honetan.

Artolak Mariezkurrena II.arekin osatuko du bikotea ostiral honetan Urretxun, Jaka eta Imazen aurka jokatzeko Binakako Txapelketako hirugarren jardunaldian.

Bestalde, Peña II.ak ezker eskua minduta bukatu zuen atzo txapelketako bigarren jardunaldia ixten zuen partidan, Tolosan, eta asteburu honetan Larrazabalek ordezkatuko du. Amurrioko aurrelariak, Albisurekin batera, Laso eta Iztuetaren aurka jokatuko du ostiralean, Amorebieta-Etxanon.

Bakaikoak Larrazabal ordezkatuko du Serie B Txapelketan

Binakako Serie B Txapelketan, Bakaikoak Larrazabalen hutsunea beteko du, eta Salaverri II.arekin bikotea osatuko du Zubizarreta III-Morgaetxebarriaren aurka jokatzeko ostiralean Amorebieta-Etxanon.